Foron varias as actividades coas que conmemoramos o 23 de abril, Día do Libro. Instalamos un recuncho bookface na biblioteca, fixemos varios storytelling en colaboración coa teacher Ana e Yasmin e, organizamos a primeira edición do concurso "Recreador de portadas". Participaron moitas familias e, despois das votacións do alumnado, proclamáronse dous gañadores Dani de 5º de primaria e Leo de 5º de infantil. Agasallamos aos dous afortunados e tamén aos demais por ter participado no concurso. Repetiremos!
Biblioteca A Reigosa
OBRADOIRO PRODUTOS NATURAIS
"DANDO A CHAPA COA PAZ"
O alumnado do terceiro ciclo exerceu de contacontos nesta data tan sinalada. Prepararon catro contos: "Paxaro amarelo", "Carpinchos", "Nadarín" e "Wangari" e despois de escenificalos aos seus respectivos cursos, as alumnas/os deseñaron unha chapa relacionada co conto ou coa paz. A continuación, na aula de polos creativos, démoslle forma á nosa chapa. Por último, intercambiamos as chapas ao chou. Démonos de conta de que, para as nenas/os, resulta complicado agasallar algo si o que reciben a cambio non vai superar as súas expectativas. Pero, a paz, moitas veces "vai diso": dar sen esperar.
TROCO SOLIDARIO
Todo o alumnado participou na promoción e difusión deste troco solidario no que se intercambiaron libros por alimentos. Unha iniciativa solidaria para contribuir coa redución das desigualdades (ODS 10). Grazas a todas as persoas implicadas e solidarias que o fixeron posible.
II RECREO CULTURAL: CONCERTO
Uxía, Diego e Zaira de 6º e Mateo de 5º de primaria deleitáronos con catro pezas musicais durante o recreo🎶.O público, de todas as idades, animou moito aos nosos artistas 👏. Parabéns pola vosa actuación! 😍
25N. HOXE E SEMPRE.
Desde o equipo de biblioteca queremos ofrecervos diferentes opcións para interiorizar a igualdade desde idades temperás. Todos os libros recomendados, xunto con outros exemplares, están dispoñibles na nosa biblio.
PARABÉNS ZAIRA!!!
Zaira, a nosa compañeira de 6º de primaria foi a gañadora do I Concurso de microrrelatos de Samaween. Un traballo fantástico Zaira. Parabéns! Disfruta do cine!